سیالکوٹ۔ 29 اپریل (اے پی پی):ڈپٹی ڈائریکٹر محکمہ لائیو سٹاک و ڈیری ڈویلپمنٹ سیالکوٹ ڈاکٹر تنویر احمد نے لائیو سٹاک فارمرزاور مویشی پال حضرات کو ہدایت کی ہے کہ وہ گوشت اور دودھ کی زیادہ سے زیادہ پیداوار حاصل کرنے اور جانوروں کو فربہ بنانے سمیت انہیں ہر قسم کی بیماریوں سے پاک رکھنے کیلئے سائنسی بنیادوں پر ان کا ریکارڈ مرتب کریں اور باڑوں کی صفائی کا خاص خیال رکھا جائے ،تاکہ دودھ و گوشت کی پیداوار کے حصول کیلئے رکھے گئے جانوروں کو کسی قسم کا نقصان پہنچنے سے بچایا جا سکے۔
ڈی ڈی لائیو سٹاک نے مزید کہا کہ کہ بڑی تعداد میں لائیو سٹاک فارم موجود ہیں جہاں گائے، بھینسیں، بھیڑ بکریاں اور دیگر جانور پالے جا رہے ہیں تاکہ دودھ اور گوشت کی زیادہ سے زیادہ پیداوار کا حصول ممکن بنایا جا سکے۔انہوں نے کہا کہ لائیوسٹاک فارمرز کو چاہیے کہ وہ محکمہ کی مشاورت سے جانورو ں کو متعدی امراض سے بچاؤ کیلئے شیڈول کے مطابق حفاظتی ٹیکے ضرور لگوائیں اور ان کو موسم گرما کی شدت سے بھی محفوظ رکھیں۔
Short Link: https://urdu.app.com.pk/urdu/?p=589751
