اسلام آباد۔3اپریل (اے پی پی):چیئرمین آذربائیجان پاکستان چیمبر آف کامرس اینڈ انڈسٹریز و ممبر سنٹرل کور کمیٹی یو بی جی احسن ظفر بختاوری نے کہا ہے کہ وزیراعظم شہباز شریف کی جانب سے گھریلو اور صنعتی صارفین کے لئے بجلی کی قیمتوں میں نمایاں کمی کا اعلان ایک اہم اقتصادی قدم ہے جس سے کاروباری طبقے اور عوام دونوں کو براہ راست ریلیف ملے گا۔
تاجروں کے ایک اعلیٰ سطح کے وفد سے بات چیت کرتے ہوئے انہوں نے کہا کہ یہ قدم معیشت کی بحالی، صنعتی ترقی اور عوامی فلاح کے لئے ایک اہم پیشرفت ثابت ہوگا، یہ کمی معیشت کی ترقی کی سمت میں ایک مثبت قدم ہے، اس اقدام سے نہ صرف صنعتی اور تجارتی سرگرمیاں تیز ہوں گی بلکہ عوام کو بھی ریلیف ملے گا، جو ملکی معیشت کے استحکام کی جانب ایک اور مثبت قدم ہے۔
احسن بختاوری نے کہا کہ یو بی جی گروپ کی قیادت نے ہمیشہ کاروباری برادری کی آواز کو حکومت تک پہنچایا اور اس اہم فیصلے کے حصول میں مدد فراہم کی۔
Short Link: https://urdu.app.com.pk/urdu/?p=578207
