روٹرڈیم ۔19اگست (اے پی پی):ہالینڈ اور پاکستان کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا اور آخری میچ 21 اگست کو روٹر ڈیم میں کھیلا جائے گا۔گرین شرٹس کو ہالینڈ کے خلاف تین میچوں کی سیریز میں 0-2 کی فیصلہ کن برتری حاصل ہے ،پاکستان ٹیم نے پہلے ون ڈے میچ میں ہالینڈ کو سخت مقابلے کے بعد 16 رنز سے شکست دی تھی جبکہ دوسرے ون ڈے میچ میں 7 وکٹوں سے مات دی۔
پاکستان کرکٹ ٹیم تین ون ڈے میچوں کی سیریز کیلئے ہالینڈ میں موجود ہے۔گرین شرٹس کو مایہ ناز بلے باز بابراعظم لیڈ کریں گے جبکہ ہالینڈ کی ٹیم سکاٹ ایڈورڈز کی زیر قیادت میدان میں اترے گی۔دونوں ٹیموں کے مابین تین میچوں پر مشتمل ون ڈے سیریز کا تیسرا اور آخری میچ 21 اگست کو کھیلا جائے گا۔
سیریز کے تینوں میچز ہیزل ویگ سٹیڈیم ،روٹر ڈیم میں کھیلے جائیں گے۔ پاکستان کرکٹ ٹیم کے مایہ ناز بلے باز اورکپتان بابر اعظم کا کہنا ہے کہ ان کی ٹیم مکمل طور پر فٹ اور بھرپور فارم میں ہے ۔ انہوں نے کہا کہ سیریز کے تیسرے اور آخری میچ میں بھی ہالینڈ کی ٹیم کو شکست دے کر مشن کلین سویپ مکمل کریں گے۔
