نئی دہلی ۔16جنوری (اے پی پی):انٹرنیشنل ہاکی فیڈریشن کے زیر اہتمام 15واں ہاکی ورلڈ کپ 2023 بھارت میں جاری ہے جس میں شائقین ہاکی کو دلچسپ اور کانٹے دار مقابلے دیکھنے کو ملیں گے۔ ہاکی کے میگا ایونٹ میں (کل) بروز منگل کو مزید دو میچوں کا فیصلہ ہو گا، پہلے میچ میں جنوبی کوریا اور جاپان جبکہ دوسرے میچ میں جرمنی اور بیلجیم کی ٹیمیں نبرد آزما ہوں گی، مینز ایف آئی ایچ ہاکی ورلڈ کپ کے سنسنی خیز مقابلے بھارت میں جاری ہیںِ، میگا ایونٹ میں کل منگل کودو میچ کھیلے جائیں گے،
پہلا میچ گروپ بی کی ٹیموں جنوبی کوریا اور جاپان کے درمیان کھیلا جائے گا جبکہ اسی گروپ کے دوسرے میچ میں جرمنی اور بیلجیم کی ٹیمیں آمنے سامنے ہوں گی، واضح رہے کہ پاکستانی ہاکی ٹیم ورلڈ کپ 2023 کے لئے کوالیفائی نہ کرنے کے باعث ایونٹ میں شرکت نہیں کر رہی ہے، گرین شرٹس کو سب سے زیادہ 4 ورلڈ کپ جیتنے کا اعزاز حاصل ہے۔
Short Link: https://urdu.app.com.pk/urdu/?p=346426
