ایبٹ آباد۔ 29 اپریل (اے پی پی):ڈسڑکٹ پولیس آفیسر ہری پور فرحان خان کی زیر صدارت ماہانہ کرائم میٹنگ کا انعقاد ہوا جس میں ایس پی انوسٹی گیشن جمیل الرحمان،جملہ ایس ڈی پی اوز،ڈی ایس پی ہیڈ کواٹرز،جملہ ایس ایچ اوز اور دفتری سٹاف نے شرکت کی،میٹنگ میں ڈی پی او نے پولیس افسران کی کارکردگی اور ضلع بھر کے کرائم کا تفصیلی جائزہ لیا اور ہدایات دیں کہ ضلع بھر میں امن و امان کی صورتحال کو برقرار رکھنے،جرائم کے خاتمے اور عوام کے مسائل کے حل کے لیے تمام تر توانائیاں صرف کریں
منشیات فروشوں،ہوائی فائرنگ اور دیگر جرائم پیشہ عناصر کے خلاف بلا تفریق کاروائیاں جاری رکھیں،مختلف نوعیت کے مقدمات میں مطلوب مجرمان اشتہاریوں کی گرفتاری کے لیے بڑے پیمانے پر اقدامات میں تیزی لائی جائے،ڈی پی او نے مزید کہا کہ پولیس افسران اپنے علاقوں میں گشتوں،سرچ اینڈ سٹرائیک آپریشنز اور چیک پوسٹوں پر چیکنگ کے نظام کو مزید موثر بنائیں،عوام کی عزتِ نفس کا خاص خیال رکھا جائے اور جرائم کی بیخ کنی کے لیے ہنگامی بنیادوں پر کاروائیاں عمل میں لائیں۔
Short Link: https://urdu.app.com.pk/urdu/?p=589857
