ہری پور۔ 23 مئی (اے پی پی):ڈبلیو ڈبلیو ایف پاکستان نے اپنےڈبلیو آر اے پی پراجیکٹ کے تحت ہری پور میں خواجہ سرا کمیونٹی کے ساتھ ایک دلچسپ اور معلوماتی آگاہی سیشن کا انعقاد کیا، جس کا عنوان ’’پانی کے تحفظ میں انسانی کردار‘‘ تھا۔اس سوچ بچار سے بھرپور سیشن میں ٹیم نے پانی کے تحفظ اور قدرتی وسائل سے جڑے اہم مسائل کو اجاگر کیااور ایک انسان ہونے کے ناطے خواجہ سرا افراد کے کردار کی اہمیت پر روشنی ڈالی۔
سیشن کے بعد شرکاء کے ساتھ ایک نتیجہ خیز اور باہمی گفتگو ہوئی، جس میں پانی کے تحفظ، موسمیاتی تبدیلی اور ماحولیاتی پائیداری جیسے اہم موضوعات پر تبادلہ خیال کیا گیا۔اس تقریب کا مقصد محروم طبقوں کو شامل کرنا اور اُن میں پانی کے تحفظ کی اہمیت اور موسمیاتی تبدیلی کے اثرات کو کم کرنے کے لیے اجتماعی اقدامات کی ضرورت کے بارے میں شعور بیدار کرنا تھا۔
Short Link: https://urdu.app.com.pk/urdu/?p=600842
