ہری پور۔ 08 جولائی (اے پی پی):پولیس کا منشیات فروشوں کے خلاف کاروائیوں کا سلسلہ جاری ہے جس دوران ایک منشیات فروش گرفتار کر لیا گیا۔تفصیلات کے مطابق ڈی پی او ہری پور فرحان خان کے احکامات کی روشنی میں ہری پور پولیس کا منشیات سے پاک ہری پور مہم کا تسلسل جاری ہے۔
ایس ایچ او تھانہ خانپور انسپکٹر ہارون خان نے ہمراہ نفری پولیس کے کاروائی کرتے ہوئے خرم شہزاد ولد عبدالخنان سکنہ دارتیاں کو گرفتار کرکے قبضہ سے5 کلو 12 گرام چرس برآمد کرلی ۔ایس ایچ او تھانہ ٹی آئی پی انسپکٹر راجہ ممتاز نے ہمراہ نفری پولیس کے کاروائی کرتے ہوئے اختر نواز ولد محمد اقبال سکنہ بٹراسی کو گرفتار کرکے قبضہ سے 460 گرام ہیروئن برآمد کرلی ۔ملزمان کے خلاف مقدمات درج کر لئے ہیں ۔
