ہری پور پولیس کی کارروائی،منشیات فروش 4 کلو سے زائد چرس سمیت گرفتار

ایبٹ آباد۔ 12 دسمبر (اے پی پی):ہری پور پولیس نے ایک کارروائی کے دوران منشیات فروش کو 4 کلو سے زائد چرس سمیت گرفتار کر لیا ۔ ہری پور پولیس کے مطابق ڈی پی او فرحان خان کی ہدایت پر منشیات فروشوں کے خلاف کارروائیاں جاری ہیں۔

ایڈیشنل ایس ایچ او تھانہ کھلابٹ کیڈٹ نعمان طاہر نے پولیس نفری کے ہمراہ کارروائی کرتے ہوئے لیاقت علی ولد سردار بہادر کو گرفتار کر کے قبضہ سے 4 کلو 203 گرام چرس برآمد کر لی۔ ملزم کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔