ہری پور پولیس کی کارروائی میں منشیات فروش رنگے ہاتھوں گرفتار، چرس برآمد

ایبٹ آباد۔ 25 اپریل (اے پی پی):ہری پور پولیس نے ایک کارروائی کے دوران منشیات فروش کو رنگے ہاتھوں گرفتار کر کے 2 کلو سے زائد چرس برآمد کر لی۔ ہری پور پولیس کے مطابق ڈی پی او فرحان خان کے وژن منشیات سے پاک ہری پور مہم کے تحت منشیات فروشوں کے خلاف کریک ڈاؤن جاری ہے۔ایس ایچ او تھانہ خانپور انسپکٹر ہارون خان نے پولیس نفری کے ہمراہ کارروائی کرتے ہوئے منشیات فروشی میں ملوث دلاور عرف شانی ولد اختر محسن سکنہ پنڈ گاکھڑا کو گرفتار کر کے قبضہ سے 2 کلو 126 گرام چرس برآمد کر لی۔ ملزم کے خلاف مقدمہ درج کر کے تفتیش شروع کر دی گئی ہے۔

Short Link: https://urdu.app.com.pk/urdu/?p=587577