ہفتہ معرکۂ حق و جشنِ آزادی بھرپور جوش و خروش کے ساتھ جاری

بٹگرام۔ 11 اگست (اے پی پی):ضلع بٹگرام میں ہفتہ معرکۂ حق و جشنِ آزادی 2025 بھرپور جوش و خروش کے ساتھ منایا جارہا ہے۔ اس موقع پر ضلعی انتظامیہ بٹگرام کے تمام سرکاری افسران اور ملازمین نے پاکستانی جھنڈے والے بیجز زیبِ تن کیے، جو قومی یکجہتی اور حب الوطنی کا مظہر ہیں۔ضلع کی تمام تحصیلوں میں قومی پرچم اور معرکۂ حق کے خصوصی بینرز نصب کیے جا رہے ہیں

تاکہ عوام میں جذبۂ حب الوطنی کو مزید فروغ دیا جا سکے اور جشنِ آزادی کو شایانِ شان انداز میں منایا جا سکے۔ یہ سرگرمیاں نہ صرف پاکستان کی آزادی کی یاد تازہ کر رہی ہیں بلکہ عوام کو اتحاد، قربانی اور خدمت کے پیغام سے بھی روشناس کروا رہی ہیں۔