ہیمبرگ ۔21مئی (اے پی پی):انگلینڈکے ٹینس سٹار جوسیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی اے ٹی پی ہیمبرگ اوپن ٹینس ٹورنامنٹ مینز ڈبلز کوارٹر فائنل میں پہنچ گئے ۔فاتح برطانوی جوڑی نے مردوں کے ڈبلز مقالوں کے ابتدائی رائونڈ میں فرانسیسی حریف کھلاڑی مینوئل گائنارڈ اور ان کے مناکو کے جوڑی دار ہیوگو نیس کو شکست دی ۔ اے ٹی پی کے زیر اہتمام ہیمبرگ اوپن ٹینس کے دلچسپ مقابلے جرمنی کے مشہور شہر ہیمبرگ میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں ۔
مینز ڈبلز مقابلوں کے پہلے رائونڈ میں انگلینڈکے ٹینس سٹار جوسیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی نے عمدہ کارکردگی کا مظاہرہ کرتے ہوئے فرانسیسی حریف کھلاڑی مینوئل گائنارڈ اور ان کے مناکو کے جوڑی دار ہیوگو نیس کو سٹریٹ سیٹس میں 3-6 اور 4-6سے ہرا کر کوارٹر فائنل کے لئے کوالیفائی کر لیا ۔
Short Link: https://urdu.app.com.pk/urdu/?p=599594
