برن۔9جولائی (اے پی پی):سویڈن اور جرمنی کی ویمنز فٹ بال ٹیموں نے اپنی عمدہ کارکردگی کی بدولت یوئیفا ویمنز فٹ بال چیمپئن شپ میں اپنے اپنے میچز جیت لئے ۔ دونوں ٹیموں نے اپنے گروپ سی کے میچز جیتے ۔ سویڈن اور جرمنی کی ٹیموں نے اپنا مسلسل دوسرا ،دوسرا میچ جیت لیا ،اس فتح کے ساتھ ہی دونوں ٹیمیں ٹاپ 16 رائونڈ کے لئے بھی کوالیفائی کرچکی ہیں۔سویڈن کی ویمن ٹیم نے گروپ سی کے اپنے دوسرے میچ میں حریف پولینڈ کی ویمن فٹ بال ٹیم کو شکست دی ۔جرمنی کی ویمن ٹیم نے حریف ڈنمارک کی ٹیم کو ہرا دیا۔
یوئیفا ویمنز فٹ بال چیمپئن شپ کے انتہائی دلچسپ اور کانٹے دار مقابلے سوئٹزرلینڈ میں جاری ہیں۔سوئسپورارینا، لوزرن، سوئٹزرلینڈمیں کھیلے گئے گروپ سی کے دوسرے میچ میں سویڈن اور پولینڈ کی ویمنز ٹیمیں آمنے سامنے تھیں جس میں سویڈن کی ویمن ٹیم نے انتہائی شاندار کارکردگی کا مظاہرہ کرتے ہوئے حریف پولینڈ کی ویمن ٹیم کو باآسانی 0-3گول سے نہ صرف ہرا دیا بلکہ چیمپئن شپ کے پری کوارٹر فائنل کے لئے بھی کوالیفائی کرلیا۔
سویڈن کی جانب سے سٹینا بلیکسٹی نیئس ،کوسوارے اسلانی اور لینا ہرٹگ نے ایک، ایک گول کر کے اپنی ٹیم کو فتح دلائی۔پولینڈ کی ٹیم میچ میں کوئی گول سکور نہ کر پائی ۔اسی گروپ کے سینٹ جیکوب پارک، بیسل، سوئٹزرلینڈ میں کھیلے گئے دوسرے میچ میں جرمنی اور ڈنمارک کی ویمنز ٹیمیں آمنے سامنے تھیں جس میں جرمنی کی ٹیم نے عمدہ کھیل پیش کرتے ہوئے حریف ڈنمارک کی ٹیم کو 1-2 گول سے ہرا دیا۔
جرمنی کی طرف سے سجوکی نسکن اور پین لی شلر نے ایک ،ایک گول کر کے اپنی ٹیم کو فتح دلا دی۔ اس فتح کے ساتھ ہی جرمنی کی ویمن ٹیم نے قیمتی تین پوائنٹس حاصل کرلئے۔
