یورو گروپ یونان کو مزید کئی ارب یورو کی مالی امداد فراہم کرنے پر تیار ہو گیا

برسلز ۔10مئی (اے پی پی) یورو گروپ یونان کو مزید کئی ارب یورو کی مالی امداد فراہم کرنے پر تیار ہو گیا ہے۔جرمن ذرائع ابلاغ کے مطابق یورو زون کے وزرائے خزانہ نے اعلان کیا ہے کہ اس سلسلے میں آئندہ چند روز میں یونانی حکومت کے ساتھ ایک معاہدہ کر لیا جائے گا اور یہ امداد بین الاقوامی قرض دہندگان کے ذریعے دی جائے گی۔واضح رہے کہ یورپی یونین نے گزشتہ برس یونان کو دیوالیہ ہونے سے بچا لیا تھا۔ مجموعی طور پر یونان کو 86 ارب یورو کی مالی امداد فراہم کرنی ہے اور ابھی تک اس رقم کا صرف پانچواں حصہ ادا کیا گیا ہے۔

Short Link: https://urdu.app.com.pk/urdu/?p=4284