یومِ آزادی کے موقع پر نظریہ پاکستان کونسل کے زیرِ اہتمام تقریب (کل) اسلام آباد میں ہوگی

اسلام آباد ۔ 13 اگست (اے پی پی) پاکستان کے یومِ آزادی کے موقع پر نظریہ پاکستان کونسل اسلام آباد کے زیرِ اہتمام ایوانِ قائد فاطمہ جناح پارک میں ملی جوش و ولولہ سے سرشار ایک شاندار تقریب (کل) پیر14اگست کوصبح 9:30بجے منعقدہوگی۔ اس موقع پر سینکڑوں طلبہ و طالبات ، گرلز گائیڈ اور سول سوسائٹی کے نمائندے مہران گیٹ سے ایوانِ قائد تک طویل و عریض قومی پرچم تھام کر اسلام آباد پولیس بینڈ کی حُب الوطنی سے معمور دھنوں پر مارچ پاسٹ کرتے ہوئے ایوانِ قائد تک آئیں گے جہاں پرچم کشائی کی روایتی تقریب منعقد کی جائے گی۔

Short Link: https://urdu.app.com.pk/urdu/?p=66003