26 C
Islamabad
اتوار, اگست 31, 2025
ہومقومی خبریںیوم آزادی کے موقع پر شکرپڑیاں پریڈ گراؤنڈ میں رنگا رنگ تقریبات...

یوم آزادی کے موقع پر شکرپڑیاں پریڈ گراؤنڈ میں رنگا رنگ تقریبات کا انعقاد کیا جائے گا

- Advertisement -

اسلام آباد۔12اگست (اے پی پی):یوم آزادی کے موقع پر شکرپڑیاں پریڈ گراؤنڈ میں رنگا رنگ تقریبات کا انعقاد کیا جائے گا، ملک بھر میں 14 اگست اور معرکہ حق کی فتح کو عوام بھرپور جوش و خروش کے ساتھ منائیں گے۔ حکومت کی جانب سے اس خصوصی دن کی مناسبت سے مختلف ثقافتی و تفریحی سرگرمیوں کا اہتمام کیا گیا ہے۔ یوم آزادی اور معرکہ حق کی تاریخی فتح کے موقع پر اسلام آباد شکرپڑیاں پریڈ گراؤنڈ میں دفاعی و ثقافتی نمائش کا انعقاد کیا جائے گا۔واضح رہے کہ یوم آزادی 14 اگست کے موقع پر شکرپڑیاں پریڈ گراؤنڈ صبح 10بجے عوام کیلئے کھول دیا جائے گا،

اس موقع پر عوام کی دلچسپی کیلئے دفاعی نمائش میں مسلح افواج کے سٹالز بھی لگائے جائیں گے، ان سٹالز پر عوام کی دلچسپی کیلئے فوجی سازوسامان اور مختلف ماڈلز نمائش کیلئے رکھے جائیں گے۔ پریڈ گراؤنڈ میں مختلف سٹالز، ثقافتی پروگرامز اور فوجی بینڈز اپنے فن کا مظاہرہ بھی کریں گے۔ دن بھر فوجی بینڈز ملی نغموں کی دھنیں بجا کر عوام کی جذبہ الوطنی ابھاریں گے۔

- Advertisement -

اس کے علاوہ پاک فضائیہ کے طیاروں کے کرتب کے ساتھ ساتھ پیرا جمپنگ کے مظاہرے بھی پیش کئے جائیں گے، ساتھ ہی لوک ورثہ کے تحت ثقافتی سرگرمیاں بھی پیش کی جائیں گی ، ان سرگرمیوں میں چاروں صوبوں کے ساتھ ساتھ گلگت بلتستان اور آزاد جموں و کشمیر کی ثقافت کو بھی اجاگر کیا جائے گا۔ اس پروگرام کا مقصد شہریوں کو اس تاریخی دن کی خوشیاں بھرپور انداز میں منانے کا موقع فراہم کرنا ہے۔

- Advertisement -
متعلقہ خبریں
- Advertisment -

مقبول خبریں