لاہور۔28مئی (اے پی پی):سپیکر پنجاب اسمبلی ملک محمد احمد خان نے کہا ہے کہ یوم تکبیر ملکی سلامتی اور قومی وقار کی علامت ہے۔اپنے پیغام میں سپیکر پنجاب اسمبلی نے کہا کہ یوم تکبیر پر پوری قوم کو مبارک پیش کرتا ہوں،یوم تکبیر ملکی سلامتی اور قومی وقارکی علامت ہے،اس دن محمد نواز شریف نے پاکستان کو عالم اسلام کی پہلی اور دنیا کی ساتویں ایٹمی طاقت بنایا۔
سپیکر ملک محمد احمد خان نے کہا کہ28 مئی1998 کو چاغی کے پہاڑوں میں بلند ہونے والے نعرہ تکبیر کی گونج آج بھی جاری ہے،جوہری پروگرام کے تمام ہیروز کو خراجِ تحسین پیش کرتا ہوں۔انہوں نے کہا کہ پاک فوج اور سیکیورٹی فورسز کے شہدا ہمارا فخر اور شہدا کی یادگاریں ہمارا قومی اثاثہ ہیں۔
