نیویارک ۔ 23 مارچ (اے پی پی) یوم پاکستان کی مناسبت سے نیویارک کے پاکستان ہاﺅس میں پرچم کشائی کی تقریب منعقد ہوئی۔ اقوام متحدہ میں پاکستان کے مستقل مندوب ڈاکٹر ملیحہ لودھی نے قومی پرچم لہرایا۔ اس موقع پر پاکستان کا قومی ترانہ بھی بجایا گیا۔ ڈاکٹر ملیحہ لودھی نے اس موقع پر صدر مملکت ممنون حسین اور نیویارک میں پاکستان کے قونصلر جنرل راجہ علی اعجاز نے وزیراعظم شاہد خاقان عباسی کا پیغام پڑھ کر سنایا۔ اس موقع پر خطاب کرتے ہوئے ملیحہ لودھی نے قیام پاکستان میں قرارداد پاکستان کی اہمیت اجاگر کی۔
