فیصل آباد۔ 28 جنوری (اے پی پی):پانچ فروری کو فیصل ۱ ٓباد میں کشمیری بھائیوں سے اظہار یکجہتی کیلئے یوم کشمیر بھرپور طریقے سے منانے کیلئے تیاریوں کا ۱ٓغاز کردیا گیاہے۔فیصل آبادانتظامیہ کے زیراہتمام ضلع میں 5فروری یوم یکجہتی کشمیر کے حوالے سے مختلف پروگرامز کوحتمی شکل دی جارہی ہے تاکہ مسئلہ کشمیرکو اجاگر کرنے کے ساتھ ساتھ کشمیریوں سے مکمل یکجہتی کا اظہار کیا جاسکے۔ فیصل آباد انتظامیہ کے ترجمان نے اے پی پی کو بتایا کہ یوم یکجہتی کشمیر کے حوالے سے کشمیر کنونشن،سیمینارز،تقریری مقابلے،واکس،مشاعرے،موضوعاتی ڈرامے اوردیگر پروگرام منعقد ہوں گے جبکہ آرٹس کونسل کی طرف سے جدوجہد آزادی کشمیر اوربھارتی ظلم واستبداد پر مبنی تصویری نمائش کا بھی اہتمام کیاجا ئے گا۔
علاوہ ازیں کشمیری بھائیوں سے اظہار یکجہتی کیلئے ضلع بھر میں اہم عوامی مقامات پر کشمیریوں کی جدوجہد آزادی پر مشتمل بینرز،کشمیر کے جھنڈے اور شہدا کی تصاویر آویزاں کی جائیں گی جس کیلئے پی ایچ اے،میٹرو پولیٹن کارپوریشن،ویسٹ مینجمنٹ کمپنی،پارکنگ کمپنی،ایف ڈی اے اور میونسپل کمیٹیز کو ٹاسک سونپاجائے گا۔انہوں نے بتایا کہ 5فروری کویوم یکجہتی کشمیر بھرپورانداز میں منانے سے قبل بھی کشمیر سے اظہار یکجہتی کیلئے مختلف پروگرامز منعقد ہونگے۔
انہوں نے بتایا کہ محکمہ سماجی بہبود مختلف این جی اوز کو متحرک کرکے کشمیریوں سے اظہار یکجہتی کیلئے واکس اور ریلیز کا انعقاد کرے گا جبکہ ویسٹ مینجمنٹ کمپنی اور اسسٹنٹ کمشنرز کی طرف سے بھی اسی نوعیت کے پروگرامز منعقد کئے جائیں۔انہوں نے بتایا کہ پبلک پارکوں میں کشمیریوں کی جدوجہد آزادی کی تحریک پر مشتمل ڈاکومینٹریزاورسپورٹس میچزبھی کرائے جائیں گے۔انہوں نے کہاکہ تمام پروگرامز اس انداز میں منائے جائیں گے کہ کشمیری بھائیوں سے یکجہتی کا پیغام واضح طور پراجاگر ہو۔
