سیالکوٹ۔24مارچ (اے پی پی):یونیورسٹی آف سیالکوٹ میں شجر کاری کا عالمی دن منایا گیا۔ معزز بورڈ آف گورنرز فیصل منظور، ایگزیکٹو ڈائریکٹر محمد ریحان یونس، وائس چانسلر پروفیسر ڈاکٹر محمد خلیق الرحمٰن، رجسٹرار محمد یعقوب اور ڈین آف انٹر لنکیجز فیکلٹی ڈاکٹر اسلم ڈار، معزز مہمان خصوصی چیف ایگزیکٹو آفیسر (سی ای او) ڈیپلکس مسرت مصباح کے ہمراہ تھے۔
اس موقع پر سی ای او ڈیپلکس مسرت مصباح کے علاوہ دیگر کاروباری شخصیات نے بھی شرکت کی۔ ان سب کی موجودگی نے ماحولیاتی تحفظ میں درخت لگانے کے اہم کردار اور آنے والی نسلوں کے لیے ہمارے اس سیارے کی حفاظت کے لیے پائیدار طریقوں کی ضرورت پر زور دیتے ہوئے تقریب کی اہمیت کو بڑھا دیا۔
یادگاری سرگرمیوں کے علاوہ یونیورسٹی میں ایک خصوصی "واک” کا بھی انعقاد کیا گیا جس میں طلبانے بڑھ چڑھ کر حصہ لیا۔ شرکانے اس دن کی اہمیت کو مزید اجاگر کیا اور یونیورسٹی کمیونٹی کے اندر ماحولیاتی بیداری کو فروغ دیا۔
Short Link: https://urdu.app.com.pk/urdu/?p=575831
