یو ایس اوپن، پہلے ہی رائونڈ میں روسی ٹینس سٹار ڈینیئل میدودیو ناکام، غصے میں ریکٹ توڑ ڈالا

اسلام آباد۔26اگست (اے پی پی):یو ایس اوپن کے پہلے ہی راؤنڈ میں شکست کھانے والے روس کےٹینس سٹار ڈینیئل میدودیو نے میچ کے بعد ریکٹ زمین اور بینچ پر مار کر توڑ دیا۔یو ایس اوپن کے پہلے راؤنڈ میں روسی ٹینس سٹار اور سابق عالمی نمبر ایک ڈینیل میدودیو کو فرانس کے کھلاڑی بینجمن بونز ی سے شکست کا سامنا کرنا پڑا، اُنہیں 5 سیٹ کے بعد فرنچ کھلاڑی نے زیر کیا۔

میچ کے دوران ڈینیئل میدودیو نے چیئر امپائر سے اُن کے فیصلے پر بحث بھی کی جبکہ شکست کے بعد اُن کا غصہ مزید بڑھ گیا۔ انہو ں نے پہلے زمین پر اور پھر بینچ پر مار مار کر اپنا ریکٹ توڑدیا۔دلچسپ بات یہ کہ رواں ومبلڈن ٹینس میں بھی ڈینیل میدودیو کو بینجمن بونزی نے پہلے ہی راؤنڈ میں ہرا دیا تھا۔دوسری جانب سنگلز کے دیگرمقابلوں میں سربیا کے نوواک جوکووچ، امریکا کے ٹیلر فریٹز نے اپنے میچز جیت لیے ۔