اسلام آباد ۔ 7 اکتوبر (اے پی پی) وزیر مملکت برائے سیفران شہریار آ فریدی نے کہا ہے کہ وہ جنیوا میں یو این ایچ سی آر کی ایگزیکٹو کمیٹی کے 70 ویں اجلاس میں پاکستان کی نمائندگی کریں گے۔ پیر کو اپنے ٹویٹ میں انہوں نے کہا کہ وہ ایگزیکٹو کمیٹی کے اجلاس سے خطاب میں 40 سال سے افغان بھائیوں کی میزبانی کے لئے پاکستان کے فراخدلانہ کردار کو اجاگر کریں گے۔ پاکستان عالمی امور کا خیال رکھنے والی ذمہ دار ریاست ہے۔
