ابوظہبی۔2اگست (اے پی پی):متحدہ عرب امارات کے مرکزی بینک نے انسداد منی لانڈرنگ اور دہشت گردی کی مالی معاونت کی روک تھام کے ایکٹ کے تحت بینک پر مالی پابندی عائد کر دی ہے۔ اماراتی خبررساں ایجنسی ’’وام‘‘ کے مطابق یہ پابندی مرکزی بینک کی جانب سے کی جانے والی ایک تفتیش کے نتیجے میں سامنے آئی ہے جس میں یہ بات سامنے آئی کہ بینک میں منی لانڈرنگ اور دہشت گردی کی مالی معاونت کے خلاف پالیسیوں اور طریقہ کار میں خامیاں پائی گئی ہیں۔
اس کے مطابق مرکزی بینک نے بینک پر 58 لاکھ درہم کا جرمانہ عائد کر دیا ہے۔ مرکزی بینک اپنی نگرانی اور ریگولیٹری ذمہ داریوں کے تحت یہ یقینی بنانے کی کوشش کرتا ہے کہ تمام بینک ان کے مالکان اور عملہ متحدہ عرب امارات کے قوانین، ضوابط اور مرکزی بینک کے منظور کردہ معیارات کی پاسداری کریں تاکہ بینکاری کے شعبے اور متحدہ عرب امارات کے مالی نظام کی شفافیت اور سالمیت کو یقینی بنایا جا سکے۔
