15 ویں انٹیکس سری لنکا میں شرکت کے لئے درخواستیں 10اپریل تک جمع کروائی جا سکتی ہیں ،ٹی ڈی اے پی

اسلام آباد۔9اپریل (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ سری لنکا میں منعقد ہونے والی بین الاقوامی تجارتی نمائش ’’15 ویں انٹیکس سری لنکا ‘‘ میں شرکت کے لئے درخواستیں 10اپریل (کل)تک جمع کروائی جا سکتی ہیں ۔

ٹی ڈی اے پی کے مطابق نمائش سری لنکا میں 6 سے 8 اگست تک جاری رہے گی جس میں ڈینم گارمنٹس ، ڈینم فیبرکس ، ڈینم گارمنٹس مشینری ، اسیسریز ، سپلائیز، کیمیکلز ، سافٹ ویئر سلوشن اور ٹیکسٹائل ڈیزائن سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں۔

Short Link: https://urdu.app.com.pk/urdu/?p=579928