چیچہ وطنی۔ 06 فروری (اے پی پی):چیچہ وطنی کے دیہی علاقے میں مبینہ پولیس مقابلے میں ایک ڈاکوزخمی حالت میں گرفتار،2ملزمان فرار ہوگئے۔ترجمان کے مطابق 3مسلح ڈاکو گاؤں38،بارہ ایل کے قریب ناکہ لگا کر راہگیروں کو لوٹ رہے تھے کہ بروقت اطلاع پرپولیس پارٹی موقع پر پہنچ گئی جس پر ملزموں نے پولیس ٹیم پرفائرنگ شروع کردی،پولیس کی جوابی فائرنگ کے دوران ایک ڈاکو زخمی ہوگیا جسے گرفتار کرلیا گیا تاہم 2،ڈاکو فرار ہونے میں کامیاب رہے۔

زخمی ڈاکو کو تحصیل ہیڈ کوارٹر ہسپتال منتقل کردیا گیا ہے،مفرور ڈاکوؤں کی گرفتاری کیلئے کوششیں جاری ہیں،زخمی ہونیوالا ڈکیت حسنین شاہ ڈکیتی،راہزنی اور سرقہ بالجبر کی متعدد وارداتوں میں ملوث ہے۔\

Short Link: https://urdu.app.com.pk/urdu/?p=556695