راولپنڈی ۔21اپریل (اے پی پی):سیکیورٹی فورسز کے کے پی کے میں 2 الگ الگ آپریشنز میں6 دہشت گرد مارے گئے۔ آئی ایس پی آر کے مطابق 20 اور 21 اپریل کو سیکیورٹی فورسز نے شمالی وزیرستان کے علاقے رزمک میں آپریشن کیا، آپریشن خوارج کی موجودگی کی خفیہ معلومات کی بنیاد پر کیا گیا، سیکیورٹی فورسز نے خوارج کے ٹھکانے کو مؤثر انداز میں نشانہ بنایا، رزمک میں آپریشن کے دوران 5 خوارج ہلاک کیے گئے۔
جنوبی وزیرستان میں ایک اور خفیہ اطلاع پر آپریشن کیا گیا جس میں خارجی کمانڈر ذبیح اللہ عرف زکران کو ہلاک کیا گیا۔ذبیح اللہ سیکیورٹی فورسزپرحملوں اور شہریوں کی ٹارگٹ کلنگ میں ملوث تھا، دہشت گرد ذبیح اللہ قانون نافذ کرنے والے اداروں کو انتہائی مطلوب تھا۔آئی ایس پی آر کا کہنا ہےکہ علاقے میں مزید خوارج کی موجودگی کے پیشِ نظرکلیئرنس آپریشن جاری ہے، سیکیورٹی فورسز دہشت گردی کی لعنت کے مکمل خاتمےکے لیے پرعزم ہیں۔
Short Link: https://urdu.app.com.pk/urdu/?p=585496
