واشنگٹن ۔25اپریل (اے پی پی):وفاقی وزیرِ خزانہ سینیٹر محمد اورنگزیب نے پاکستان بینک۔فنڈ سٹاف ایسوسی ایشن (پی بی ایس ایف اے) کے ارکان سے ملاقات کی ہے۔ اس دوران وزیرِ خزانہ نے انہیں ملک کے معاشی اشاریوں میں بہتری سے آگاہ کیا۔ وزارت خزانہ کی جانب سے جاری اعلامیہ کے مطابق ملاقات میں وزیر خزانہ نے کہا کہ پاکستان نے ایکسٹینڈڈ فنڈ فیسلٹی (EFF) کے تحت پہلے جائزے پر اسٹاف لیول معاہدہ کیا ہے اور ریزیلینس اینڈ سسٹین ایبلٹی فسیلٹی (RSF) کے تحت ایک نیا انتظام بھی طے کیا ہے۔
وزیرِ خزانہ نے ورلڈ بینک بورڈ کی جانب سے پاکستان کے لئے 10 سالہ کنٹری پارٹنرشپ فریم ورک (CPF) کی منظوری کو بھی اجاگر کیا، جس میں آبادی اور ماحولیاتی تبدیلی جیسے اہم چیلنجز پر توجہ مرکوز کی گئی ہے۔انہوں نے اس بات پر زور دیا کہ حکومت ساختی اصلاحات کے ایجنڈے کو نافذ کرنے کے لیے مکمل طور پر پُرعزم ہے۔
اس ملاقات کے اختتام پر سوال و جواب کا سیشن ہوا جس میں وفاقی وزیر خزانہ نے مختلف سوالو ں کے جواب دیئے۔
Short Link: https://urdu.app.com.pk/urdu/?p=587457
