اسلام آباد ۔ 4 جون (اے پی پی)چیئرمین سینیٹ محمد صادق سنجرانی نے عید الفطر کے پر مسرت موقع پر اہل اسلام کو بالعموم اور پاکستانی قوم کو بالخصوص مبارکباد دی ہے اور کہا ہے کہ اللہ تبارک تعالیٰ نے ہمیں رمصان المبارک کے فرا ئض و بر کات سے مستفید ہونے کا موقع فراہم کیا۔ اللہ تعالیٰ ہماری عبادات کو قبول فرمائیں۔ عید الفطر کا دن رمصان المبارک کے حوالے سے یوم تکمیل رحمت الہی اوریوم تشکر ہے‘ ماہ رمصان کی عبادات تقوی، ضبط نفس،ایثار اور قربانی جیسی خوبیوں کو مزید اجاگر کرتا ہے۔ دینی اور دنیاوی کامیابی کے لیے یہ ضروری ہے کہ ہم پورا سال اسی جذبے اور طرزعمل کا مظاہرہ کریں۔ آج کے دن عید کی خوشیوں کو مناتے ہوئے اس بات کا دھیان رکھنا بھی ضروری ہے کہ ہم اپنے عزیز واقارب، پٹروسیوں اور دیگر بسنے والے ضرورت مند بہن وبھائیوں کو اپنی خوشیوں میں شامل کریں۔
