اسلام آباد۔19اپریل (اے پی پی):وزیراعظم شہبازشریف نے ایم کیوایم کے رکن قومی اسمبلی اقبال محمد علی کی وفات پر رنج وغم اور افسوس کا اظہار کیا ہے۔ وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ اقبال محمد علی ایک شریف النفس ، پڑھے لکھے اور عوام دوست شخص تھے ، ملک وقوم اور جمہوریت کے لئے ان کی خدمات تادیر یاد رکھی جائیں گی ، وہ ایم کیوایم کی قیادت، کارکنان اور تمام وابستگان سے افسوس کرتے ہیں ۔ انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے، اہل خانہ کو صبر دے۔
