کینبرا۔10اکتوبر (اے پی پی):آسٹریلیا اور انگلینڈ کی کرکٹ ٹیموں کے درمیان تین میچوں پر مشتمل سیریز کا دوسرا ٹی ٹونٹی کرکٹ میچ 12 اکتوبر کو کھیلا جائے گا۔ انگلینڈ کی ٹیم کو کینگروز کے خلاف تین میچوں کی سیریز میں 0-1 کی برتری حاصل ہے۔
مہمان برطانوی کرکٹ ٹیم نے پہلے ٹی ٹونٹی کرکٹ میچ میں میزبان آسٹریلوی ٹیم کو 8 رنز سے شکست دی تھی۔ انگلینڈ کی ٹیم کو جوز بٹلر لیڈ کر رہے ہیں جبکہ میزبان کینگروز ٹیم کی قیادت مایہ ناز بلے باز آرون فنچ کر رہے ہیں۔ دونوں ٹیموں کے درمیان تین میچوں کی سیریز کا تیسرا اور آخری ٹی ٹونٹی کرکٹ میچ 14ا کتوبر کو کھیلا جائے گا۔
ٹی ٹونٹی سیریز کا دوسرا اور تیسرا میچ آسٹریلوی دارالحکومت کینبرا میں کھیلے جائیں گے ۔ دونوں ٹیموں کے درمیان شیڈول تین ایک روزہ میچوں پر مشتمل سیریز کا آغاز آسٹریلیا میں آئی سی سی مینز ٹی ٹونٹی ورلڈ کپ کے بعد 17نومبر سے ہوگا۔
