اسلام آباد ۔ 3 مئی (اے پی پی) میٹرو پولیٹن کارپوریشن اسلام آباد کے میئر شیخ انصر عزیز نے کہا ہے کہ وزیراعظم محمد نواز شریف کے وژن کے مطابق وفاقی دارالحکومت اسلام آباد کے انفراسٹرکچر اور بنیادی شہری سہولیات کی ترقی اولین ترجیح ہے‘ وزیراعظم کی ہدایت پر غازی بروتھا سے اسلام آباد کےلئے پانی کے حصول پر کام کر رہے ہیں جس سے آئندہ 40 سے 50 سال تک نہ صرف اسلام آباد بلکہ جڑواں شہر راولپنڈی کی آبی ضروریات پوری ہوں گی۔ مستقبل کی توانائی کی ضروریات کو پورا کرنے کےلئے قانون سازی کریں گے جس کے ذریعے ہر گھر کم از کم 30 فیصد بجلی شمسی توانائی سے پیدا کرے گا۔ کچی آبادیوں کو منصوبہ بندی کے تحت دوبارہ آباد کاری اور نئی کی روک تھام کےلئے متعلقہ اداروں اور کارپوریٹ سیکٹر سے مل کر کام کریں گے۔
