بلاوایو ۔25جون (اے پی پی):آئی سی سی کرکٹ ورلڈ کپ کوالیفائر میں سری لنکا نے آئرلینڈ کو 133 رنز کے واضح مارجن سے ہرا کر سپر سکس مرحلے کے لیے کوالیفائی کر لیا ، آئرش ٹیم 326 رنز کا ہدف حاصل کرنے میں ناکام رہی ، دیمتھ کرونا رتنے کو شاندار سنچری سکور کرنے پر پلیئر آف دی میچ قرار دیا گیا۔ اتوار کےروز کوئنز سپورٹس کلب ، بلاوایو میں کھیلے گئے گروپ بی کے میچ میں سری لنکن ٹیم پہلے بیٹنگ کرتے ہوئے 49.5 اوورز میں 325 رنز بناکر آئوٹ ہو گئی ، دیمتھ کرونا رتنے نے عمدہ بیٹنگ کا مظاہرہ کیا اور 103 رنز بنائے ،
سدیرا سمراوکرما 82 رنز کے ساتھ دوسرے نمایاں بیٹر رہے ، آئرلینڈ کی طرف سے مارک ایڈیئر نے چار اور بیری میک کارتھی نے تین کھلاڑیوں کو آؤٹ کیا ، آئرلینڈ کی ٹیم مطلوبہ ہدف حاصل کرنے میں ناکام رہی اور پوری ٹیم 31 اوورز میں 192 رنز بنا کر آؤٹ ہو گئی ، کرٹس کیمفر 39 اور ہیری ٹیکٹر 33 رنز بنا کر نمایاں رہے، سری لنکا کے ونندو ہاسارنگا نے شاندار باؤلنگ کا مظاہرہ کیا اور 5 وکٹیں حاصل کیں ۔
