پشاور۔ 06 ستمبر (اے پی پی):نگران صوبائی وزیر برائے اطلاعت اور سیاحت بیرسٹر فیروز جمال شاہ کاکا خیل نے کہا ہے کہ 6 ستمبر 1965کا دن عسکری اعتبار سے تاریخ عالم میں کبھی نہ بھولنے والا قابلِ فخر دن ہے، اس دن ہم نے اپنے ملک سے کئی گناہ بڑے ملک اور کئی گناہ زیادہ بڑے لشکر اور دفاعی وسائل کے ملک کے غرور کو زمین بوس کیا.
یوم دفاع پاکستان کے موقع پر اپنے پیغام میں صوبائی وزیر اطلاعات بیرسٹر فیروز جمال شاہ کاکاخیل نے کہا کہ یومِ دفاع ہر سال 6 ستمبر کو پاکستان میں بطور ایک قومی دن منایا جاتا ہے 6 ستمبر 1965ء کا دن عسکری اعتبار سے تاریخ عالم میں کبھی نہ بھولنے والا قابلِ فخر دن ہے، اس دن ہم نے اپنے ملک سے کئی گناہ بڑے ملک اور کئی گناہ زیادہ بڑے لشکر اور دفاعی وسائل کے ملک کے غرور کو زمین بوس کیا۔
انہوں نے کہا کہ فوجی جوانوں کی لازوال قربانیوں کی داستانیں آنکھیں نم کر دیتی ہیں اور دل جزبے سے بھر جاتا ہےآج پوری پاکستانی قوم اپنی افواج کی قربانیوں کو خراج عقیدت پیش کرتی ہے، ہم سب کو یکجہتی سے اور ایک ہو کر رہنا پڑے گا تاکہ پاکستان کی ترقی میں اپنا حصہ ڈال سکیں۔
Short Link: https://urdu.app.com.pk/urdu/?p=387407
