اسلام آباد۔9دسمبر (اے پی پی):انساداد منشیات فورس (اے این ایف) نے منشیات اسمگلنگ کے خلاف 6مختلف کاروائیوں کے دوران 34 کلو سے زائد منشیات برآمد کر کے خاتون سمیت 8 ملزمان کو گرفتار کر لیا۔
اے این ایف کے ترجمان کی طرف سے ہفتہ کو جاری تفصیلات کے مطابق باچا خان انٹرنیشنل ایئرپورٹ پر مسافر کے ٹرالی بیگ سے 1 کلو 600 گرام آئس برآمد کر کے ایک شخص کو گرفتار کر لیا گیا ۔ ملزم پرواز نمبرپی کے۔ 285 کے ذریعے دوحہ کے لئے روانہ ہو رہا تھا۔ باچا خان انٹرنیشنل ایئرپورٹ پر دوسری کاروائی میں مسافر کے پیٹ سے95 عدد آئس بھرے کیپسولز برآمد کر لئے گئے، ملزم قطر ایئر لائن کی پرواز نمبر کیو آر۔ 601 کے ذریعے دوحہ کے لئے روانہ ہو رہا تھا۔علامہ اقبال انٹرنیشنل ایئرپورٹ پر مسافر کے ٹرالی بیگ سے700 گرام ہیروئن برآمد کر لی گئی۔ملزم پرواز نمبریو ایل۔ 186 کے ذریعے سری لنکا کے لئے روانہ ہو رہا تھا۔
سہراب گوٹھ کراچی میں واقع الفلاح بنک کے قریب گاڑی سے 18 کلو گرام چرس برآمد کر کے دو ملزمان کوگرفتار کر لیا۔حیات آباد ٹول پلازہ پشاور کے قریب3 ملزمان سے1 کلو آئس برآمد کر لی گئی ۔فیروز خیل میں واقع انجانی گائوں میں اسمگلنگ کی غرض سے چھپائی گئی 12 کلو 1 گرام چرس برآمد کر لی گئی ۔گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
Short Link: https://urdu.app.com.pk/urdu/?p=418451
