اسلام آباد۔11دسمبر (اے پی پی):نگران وزیر توانائی محمد علی نے کہا ہے کہآذربائیجان کے ساتھ بھائی چارے اور دوستی کے تعلق کو معاشی تعاون میں بدلنے کے لیے پر عزم ہیں ، دسمبر کے لیے ایل این جی کارگو آذربائیجان سے خریدا ہے ۔ ا ن خیالات کا اظہار انہوں نے پاکستان میں آذربائیجان کے سفیر خضر فرہادوف سے گفتگو کرتےہوئے کیا جنہوں نے پیرکو یہاں ان سے ملاقات کی۔
نگران وزیر توانائی نے کہا کہ آذربائیجان کے ساتھ توانائی کے شعبے میں شراکت داری اہم ہے۔ انہوں نے کہا کہ دسمبر کے لیے ایل این جی کارگو آذربائیجان سے خریدا ہے۔ وزیر توانائی نےکوپ-28 میں آذربائیجان کے پویلین کی تعریف بھی کی۔ملاقات میں آذربائیجانی سفیر نے کہا کہ آذربائیجان اور پاکستان برادر ملک ہیں۔ بھائی چارے اور دوستی کے تعلق کو معاشی تعاون میں بدلنے کے لیے پر عزم ہیں۔
Short Link: https://urdu.app.com.pk/urdu/?p=418791
