لاہور۔12دسمبر (اے پی پی):وزارت توانائی پاور ڈویژن کی ہدایت کے مطابق چیف ایگزیکٹو لاہور الیکٹرک سپلائی کمپنی ( لیسکو) انجینئر شاہد حیدر کی زیر نگرانی انسداد بجلی چوری مہم کامیابی کے ساتھ جاری ہے۔ترجمان کے مطابق 94 روز سے جاری آپریشن کے دوران کل34921 ملزمان بجلی چوری میں ملوث پائے گئے جن میں سے34530 ملزمان کے خلاف اندراج مقدمہ کی درخواستیں جمع کروائی گئیں،33222 ملزمان کے خلاف مقدمات درج کروا کر15823 ملزمان کو گرفتار بھی کر لیا گیا۔
بجلی چوروں کو اب تک 5 کروڑ 69لاکھ61ہزار 718یونٹس چارج کئے گئے ہیں جن کی مالیت دو ارب تئیس کروڑ انچاس لاکھ تہتر ہزار دو سو چھپن روپے ہے۔ گزشتہ 24 گھنٹوں کے دوران ریجن بھر میں 307 ملزمان بجلی چوری میں ملوث پائے گئے،305 بجلی چوروں کے خلاف ایف آرز کی درخواستیں متعلقہ تھانوں میں دائرکی گئیں جس میں سے151 درخواستیں رجسٹرڈ ہوچکی ہیں جبکہ11 ملزمان کو گرفتار بھی کرلیا گیا ہے،
پکڑے جانے والے کنکشنز میں1 انڈسٹریل ،13 کمرشل اور293 ڈومیسٹک تھے۔تمام کنکشنز منقطع کرکے ان کو دولاکھ اٹھانوے ہزارچارسوچھیاسٹھ یونٹس ڈٹیکشن بل کی مد میں چارج کئے گئے ہیں جن کی مالیت ایک کروڑستائیس لاکھ انچاس ہزار دو سو دو روپے ہے۔بجلی چوروں کے خلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔
ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے۔شاہدرہ ٹاؤن کے علاقے میں کنکشن کو210000 روپے، فیکٹری ایریا کے علاقے میں کنکشن کو 125000 روپے،شاہدرہ ٹاؤن کے علاقے میں کنکشن کو112000 روپے اورشرقپور کے ہی ایک اور ملزم کو100000 کی رقم چارج کی گئی ۔
لیسکو چیف کا کہنا تھا کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔آپریشن کے دوران بجلی چوروں کے علاوہ ان کی سرپرستی کرنے والےافسران و ملازمین کو بھی قانون کے کٹہرے میں لایا جائے گا۔
Short Link: https://urdu.app.com.pk/urdu/?p=419124
