اسلام آباد۔18مئی (اے پی پی):وفاقی وزیر برائے امور کشمیر و گلگت بلتستان انجینئر امیر مقام نے کرغزستان میں پرتشدد جھڑپوں پر تشویش کا اظہار کرتے ہوئے طلبا سے کہا ہے کہ وہ پاکستان کے سفارت خانے سے رابطے میں رہیں۔
وفاقی وزیر نے کہا ہے کہ حکومت بشکیک میں تشدد کے واقعات میں پاکستان کے طلبا کے تحفظ کو یقینی بنانے کے لیے کرغز حکام سے رابطے میں ہے۔انجینئر امیر مقام نے کہا کہ ہمارے طلبا کی حفاظت ہمارے لیے زیادہ اہم ہے۔
