قائمقام صدر مملکت سید یوسف رضا گیلانی کراچی کا سرکاری دورہ مکمل ،ملتان روانہ ہو گئے

کراچی۔23مئی (اے پی پی):قائمقام صدرمملکت اور چیئرمین سینیٹ سید یوسف رضا گیلانی کراچی کا سرکاری دورہ مکمل کر کے پی آئی اے کی کمرشل فلائٹ سے ملتان کے لے روانہ ہو گئے۔

جمعرات کو سینیٹ سیکرٹریٹ سے جاری بیان کے مطابق قائمقام صدر پاکستان سید یوسف رضا گیلانی نے کراچی کے سرکاری دورہ کے دوران مزار قائد پر حاضری دی اور فاتحہ خوانی کی تھی۔قائمقام صدر پاکستان سید یوسف رضا گیلانی نے کراچی کے سرکاری دورہ کے دوران محترمہ فاطمہ جناح، قائد ملت لیاقت علی خان اور نور امین کے مزارات پر بھی فاتحہ خوانی کی۔

کراچی کے سرکاری دورہ کے دوران قائمقام صدر پاکستان سید یوسف گیلانی نے پاکستان پیپلز پارٹی کے چیئرمین بلاول بھٹو زرداری سے بھی ملاقات کی۔دونوں رہنماؤں نے ملک کی مجموعی صورت حال پر تفصیلی تبادلہ خیال بھی کیا۔