کوئٹہ۔ 04 جولائی (اے پی پی):چیف ایگزیکٹوآفیسرکیسکو نے سبی آپریشن سرکل کے دفتر میں جمعرات مشتعل مظاہرین کے زبردستی داخل ہو کر دفترکی عمارت میں توڑپھوڑکرنے ،ریکارڈ، سامان اوردیگر آلات کو نقصان پہنچانے کے واقعہ کا سخت نوٹس لیاہے۔
اس واقعہ میں دفترکی باورنڈری وال کو بھی گرا دیا گیا ۔چیف ایگزیکٹوآفیسرکیسکوانجینئرشفقت علی نے چیف سیکرٹری بلوچستان،ایڈیشنل چیف سیکریٹری اور متعلقہ اعلیٰ حکام سے مطالبہ کیاکہ گرڈاسٹیشنز اور دفاتر قومی تنصیبات کے دائرہ میں آتے ہیں لہٰذا ان قومی تنصیبات اور اثاثوں کے تحفظ کو یقینی بنایاجائے تاکہ مستقبل میں اس قسم کا ناخوشگوار واقعہ رونمانہ ہو اورقومی تنصیبات اور اثاثوں کو نقصان پہنچانے والے افرادکے خلاف قانونی کارروائی بھی عمل میں لائی جائے۔
بعدازاں ایڈیشنل چیف سیکرٹری بلوچستان زاہد سلیم نے واقعہ کانوٹس لیتے ہوئے کمشنر،ڈپٹی کمشنر سبی اور ضلعی انتظامیہ کو فوری طورپر واقعہ میں ملوث افراد کے خلاف سخت کارروائی کاحکم دے دیا۔
Short Link: https://urdu.app.com.pk/urdu/?p=481743
