- Advertisement -
اسلام آباد۔23جولائی (اے پی پی):ترکمانستان کے وزیر خارجہ راشد میردووف دفتر خارجہ پہنچ گئے، نائب وزیر اعظم اور وزیر خارجہ محمد اسحاق ڈار نے ترکمانستان کے وزیر خارجہ کا استقبال کیا۔ دفتر خارجہ کی جانب سے جاری بیان کے مطابق راشد میردووف اور نائب وزیر اعظم کے درمیان مختلف امور پر تفصیلی مذاکرات ہوں گے۔
دونوں رہنما دو طرفہ سیاسی مشاورت کے تیسرے دور میں اپنے اپنے وفود کی قیادت کرنے کے علاوہ عالمی اور علاقائی پیش رفت پر تبادلہ خیال کریں گے۔ دونوں رہنما پاکستان ترکمانستان تعلقات کو مثبت تحریک دینے اور تجارت، سرمایہ کاری اور توانائی کے تعاون، علاقائی روابط اور ثقافتی تعلقات پر خصوصی توجہ دینے کے ساتھ دوطرفہ تعاون کی راہیں تلاش کرنے کے لئے بات چیت کریں گے۔
- Advertisement -
Short Link: https://urdu.app.com.pk/urdu/?p=486662
- Advertisement -
