گذشتہ ہفتے کے وسط سے یمن میں القاعدہ کے حامیوں کے خلاف 20 اضافی فضائی حملے کیے گئے، ترجمان امریکی محکمہ خارجہ

واشنگٹن ۔ 04 اپریل (اے پی پی) ا مریکا نے گزشتہ ہفتے کے وسط سے یمن میں القاعدہ کے حامیوں کے خلاف 20 اضافی فضائی حملے کیے ۔ یہ بات امریکی محکمہ دفاع کے ترجمان جیف ڈیوس نے صحافیوں کو بتائی ۔انہوں نے کہاکہ 28 فرری سے اب تک امریکا کی طرف سے یمن میں القاعدہ کے عسکریت پسندوں کے خلاف کیے جانے والے فضائی حملوں کی تعداد 70 سے زائد ہے۔ یمن میں القاعدہ کا گروپ ”جزیرہ نما عرب میں القاعدہ“ سرگرم ہے۔ ڈیوس کے مطابق ان حملوں میں عسکریت پسندوں، ان کے انفراسٹرکچر، لڑائی کی پوزیشنوں اور ساز وسامان کو نشانہ بنایا گیا۔