ٹوبہ ٹیک سنگھ۔ 24 اگست (اے پی پی):تھانہ چٹیانہ کے علاقہ میں مبینہ پولیس مقابلہ کے دوران ڈاکو اپنے ہی ساتھیوں کی فائرنگ سے ہلاک ہوگیا۔پولیس ترجمان کے مطابق فائرنگ رکنے پر سرچ آپریشن کے دوران ایک ڈاکو اپنے ہی ساتھیوں کی فائرنگ سےہلاک ہوگیا، باقی ملزمان فرار ہونے میں کامیاب ہوگئے۔
ہلاک ہونے والے ڈاکو کی شناخت علی اکبر ولد طفیل جٹ کے نام سے ہوئی جس کا تعلق فیصل آباد نشاط آباد سے ہے جو انتہائی خطرناک اور چوری ڈکیتی و دیگر سنگین جرائم کے درجنوں مقدمات میں ملوث اور ریکارڈ یافتہ ہے،اپنے ساتھی کو قتل کرنے والے باقی ملزمان کی تلاش جاری ہے۔
