آئندہ 24 گھنٹوں کے دوران ملک کے بیشتر علاقوں میں موسم گرم اورمرطوب رہنے کا امکان

اسلام آباد۔24ستمبر (اے پی پی):آئندہ 24 گھنٹوں کے دوران ملک کے بیشتر علاقوں میں موسم گرم اورمرطوب رہے گا تاہم شام/رات میں کشمیر اور گردونواح میں تیزہوائوں اور گرج چمک کے ساتھ چند مقامات پر بارش کا امکان ہے۔

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اورمرطوب رہا۔منگل کو ریکارڈکیے گئے زیادہ سے زیادہ درجہ حرارت: بھکر، نوکنڈی 43، بہاولپور، دالبندین، خیرپور، موہنجو داڑواورروہڑی میں 42 ڈگری سینٹی گریڈ ریکارڈ کیا گیا ۔