لاہور۔3اکتوبر (اے پی پی):معروف ناول نگار رضیہ بٹ کی12ویں برسی (کل) جمعہ کو منائی جائے گی۔رضیہ بٹ 19 مئی 1924 کو راولپنڈی میں پیدا ہوئیں۔
ان کی پہلی کہانی لرزش1940 کے وسط میں لاہور کے رسالے حور میں شائع ہوئی۔ قیام پاکستان کے بعد ان کا ناول بانو منظرعام پر آیا تو انتہائی مقبول ہوا۔
رضیہ بٹ کو عام گھریلو قارئین میں جو بے پناہ مقبولیت حاصل ہوئی وہ پاکستانی معاشرے میں عورت کے کردار کو مرکزی اہمیت دیتی ہے۔ان کے ناول نائلہ، صاعقہ، انیلہ، شبو، بانو، ثمینہ، ناجیہ، شائنہ، سبین، رابی اور بینا عورت کے مرکزی کردار کے گرد گھومتے ہیں۔رضیہ بٹ کے ناولوں کی کل تعداد 53ہے۔
350 کہانیاں الگ ہیں۔ 1998میں انھوں نے آپ بیتی بچھڑے لمحے لکھنے کا آغاز کیا جو 2001 میں مکمل ہوئی۔رضیہ بٹ کا 4 اکتوبر 2012 کو لاہور میں انتقال ہوا۔
Short Link: https://urdu.app.com.pk/urdu/?p=507955
