اسلام آباد۔5نومبر (اے پی پی):اسلام آ باد ٹریفک پولیس ایجوکیشن ونگ کی شہریوں کو ٹریفک قوانین اور روڈ سیفٹی کے متعلق آگاہی مہم کے دوران ٹریفک پولیس افسران نے شہریوں میں وفاقی دارالحکومت میں زیر تعمیر فلائی اوورز اور انڈر پاسز کے متعلق ڈائیورشن پلان تقسیم کئے ،شہریوں کی رہنمائی کی اور انہیں ٹریفک قوانین اور روڈ سیفٹی کے متعلق آگاہی بھی فراہم کی ۔
پولیس ترجمان کے مطا بق اسلام آباد ٹریفک پولیس نے وفاقی دارالحکومت میں کمیونٹی پولیسنگ کو فروغ دینے ،وفاقی دارلحکومت میں فلائی اوورز ،انڈر پاسز کی تعمیر کے دوران متاباد ل راستوں اور شہریوں کوٹریفک قوانین اور روڈ سیفٹی کے متعلق آگاہی مہم کا آغاز کر رکھا ہے ۔اس ضمن میں اسلام آباد ٹریفک پولیس افسران نے شہریوں میں وفاقی دارلحکومت میں زیر تعمیر فلائی اوورز اور انڈر پاسز کے متعلق ڈائیورشن پلان تقسیم کئے۔
شہریوں کو متبادل راستوں کے متعلق رہنمائی کے ساتھ انہیں ٹریفک قوانین اور روڈ سیفٹی کے متعلق آگاہی بھی فراہم کی ۔چیف ٹریفک فیسر اسلام آباد محمد سرفراز ورک نے کہا کہ اسلام آباد ٹریفک پولیس کے افسران شہریوں کو متبادل راستوں اور ٹریفک قوانین کے متعلق آگاہی فراہم کر رہے ہیں، شہریوں کو بغیر لائسنس کے گاڑی اور موٹر سائیکل چلانا،روڈ پر پیدل چلنے والوں کے حقوق،غلط پارکنگ،بغیر سیٹ بیلٹ گاڑی چلانا،بغیر ہیلمٹ موٹر سائیکل چلانا،فینسی و غیرنمونہ نمبر پلیٹس کے استعمال،،دوران ڈرائیونگ موبائل فون کا استعمال،اپلائیڈ فار گاڑیوں اور موٹر سائیکلوں کا استعمال اور دیگر ٹریفک قوانین شامل ہیں۔
انہوں نے مزید کہا کہ اس آگاہی مہم کا مقصد وفاقی دارالحکومت میں ٹریفک کی روانی کو برقرار رکھنا،شہرکو حادثات سے محفوظ بنانا،ٹریفک قوانین کی بلاامتیاز عملداری کو یقینی بنانا اور شہریوں کو ہر ممکن سفری سہولیات فراہم کرنا ہے شہریوں کی جانب سے اسلام آباد پولیس کے اس اقدام کو سراہا جا رہا ہے۔سی ٹی او اسلام آباد نے شہریوں سے اپیل کی کہ وہ ٹریفک قوانین کی پاسداری کرتے ہوئے ٹریفک پولیس افسران سے تعاون کریں تاکہ خود کو اور دوسروں کو حادثات سے محفوظ رکھ سکیں۔
