لاہور۔22نومبر (اے پی پی):محکمہ وائلڈ لائف پنجاب نے صوبہ بھر کے چڑیا گھروں و پارکس کو عوام الناس کے لیے کھول دیا۔ترجمان محکمہ وائلڈ لائف کے مطابق لاہور سفاری پارک کو بھی عوام الناس کے لیے کھول دیا گیا ہے۔
چڑیا گھر و سفاری پارک صبح9بجے سے شام تک کھلے ہوں گے۔ سموگ کے باعث چڑیا گھروں و لاہور سفاری پارک بند تھے ۔
محکمہ وائلڈ لائف نے کہا ہے کہ عوام الناس چڑیا گھر و سفاری پارکس کے وزٹ کے دوران ماسک کا استعمال لازمی کریں۔
