- Advertisement -
پشاور۔ 26 دسمبر (اے پی پی):سوات کےسمبٹ چوک مٹہ کو کانسٹیبل مشتاق احمد شہید سے منسوب کردیاگیا۔ترجمان سوات پولیس کے مطابق ڈی پی او سوات ناصر محمود کی کوششوں سےصوبائی حکومت نے سمبٹ چوک کو کانسٹیبل مشتاق احمد شہید سے منسوب کردیا۔
ایس پی اپر سوات شوکت خان نے ایس ڈی او مٹہ، ایس ڈی پی او سرکل مٹہ بخت ذادہ ،شہید کے لواحقین اورمعززین علاقہ کے ہمراہ شہید کے نام کے بورڈ کا باقاعدہ افتتاح کردیا۔اس موقع پر ایس پی اپر سوات شوکت نے کہا کہ شہدا ہمارا فخر ہیں ۔انہوں نے کہاکہ ہم ان عظیم اور بہادر جوانوں کی قربانیوں کو کبھی فراموش نہیں کریں گے جنہوں نے ہمیشہ ملک میں امن و استحکام لانے میں اپنی قیمتی جانوں کے نذرانہ پیش کیں ہیں۔
- Advertisement -
Short Link: https://urdu.app.com.pk/urdu/?p=539672
- Advertisement -
