اسلام آباد۔29جنوری (اے پی پی):سکیورٹیز اینڈ ایکسچینج کمیشن آف پاکستان (ایس ای سی پی) 12 فروری کو کراچی میں انشور امپیکٹ کانفرنس پاکستان کی میزبانی کرے گا۔ کانفرنس کا بنیادی موضوع "انشورڈ پاکستان کا سفر – تعاون، مشغولیت اور جدت کو فروغ دینا”ہے۔
وفاقی اور صوبائی وزرا ، سینئر حکومتی عہدیدار، نمایاں پالیسی ساز اور مالیاتی اور انشورنس سیکٹر کے ماہرین شرکت کریں گے۔ ایس ای سی پی سے جاری بیان کے مطابق کانفرنس میں کلیدی سٹریٹجک بحثوں پر مشتمل جامع ایجنڈا ہوگا جس میں انشورنس کے نظام کا جامع جائزہ، سٹیک ہولڈر مشغولیت، موسمیاتی تبدیلی کے تناظر میں آفات اور زرعی انشورنس، لازمی انشورنس کی توسیع، صحت کے انشورنس کی صلاحیتوں کا فائدہ اٹھانا اور ڈیجیٹائزیشن کے ذریعے ایک انشورڈ پاکستان کا وژن کو آگے بڑھانا خصوصاً ڈیجیٹل انشورنس انفراسٹرکچر کے لئے ایک مثالی نقشہ تیار کرنا شامل ہیں۔
آئی سی پی 2025 ایس ای سی پی کے پانچ سالہ سٹریٹجک منصوبے کے اہداف کو آگے بڑھائے گا ۔ ایک انشورڈ پاکستان کا سفر جسے دسمبر 2023 میں ایک کانفرنس میں شروع کیا گیا تھا۔ اس اقدام کا مقصد انشورنس سیکٹر کے تمام سٹیک ہولڈرز کے درمیان تعاون کو فروغ دینا ہے تاکہ بامعنی پیش رفت کی جا سکے۔انشورنس سیکٹر کی ترقی کے حوالے سے ایس ای سی پی کے عزم کی تصدیق کرتے ہوئے کانفرنس مشغولیت کو فروغ دینے، اتفاق رائے پیدا کرنے اور 2028 تک ایک متحرک، شمولیتی اور جدید انشورنس زمین کو تشکیل دینے کے لئے تعاون کو مضبوط کرنے کے لئے ایک پلیٹ فارم کے طور پر کام کرے گی۔
Short Link: https://urdu.app.com.pk/urdu/?p=553315
