پولیس کی پتنگ بازی اور ہوائی فائرنگ کی روک تھام کے لئے آگاہی مہم ،تعلیمی اداروں میں لیکچرز

راولپنڈی ۔3فروری (اے پی پی):راولپنڈی پولیس نے شہر بھر میں پتنگ بازی اور ہوائی فائرنگ کی روک تھام کے لئے آگاہی مہم شروع کرتے ہوئے تعلیمی اداروں میں لیکچرر کا انعقاد کیا۔پیر کو پولیس ترجمان کے مطابق سٹی پولیس آفیسر سید خالد ہمدانی کی ہدایات پر پولیس افسران نے تھانہ وارث خان کے علاقہ میں پتنگ بازی اور ہوائی فائرنگ کی روک تھام کے لیے مختلف تعلیمی اداروں میں آگاہی لیکچرز دیئے جبکہ ڈور ٹو ڈور آگاہی پمفلٹ بھی تقسیم کیے گئے ۔پولیس ترجمان نے بتایا کہ پتنگ بازی کو ناقابل ضمانت جرم قرار دیا گیا ہے جس کی سزا 3 سال سے 7 سال تک قید کی سزا ہو سکتی ہے،بطور معاشرہ اپنی معاشرتی و قانونی ذمہ داری نبھائیں اور پتنگ بازی اور ہوائی فائرنگ کی روک تھام میں کردار ادا کریں۔

Short Link: https://urdu.app.com.pk/urdu/?p=555392