راولپنڈی ۔14مارچ (اے پی پی):راولپنڈی پولیس نے شہر بھر میں نیشنل ایکشن پلان کے تحت سرچ آپریشن کرتے ہوئے کرایہ داری ایکٹ کی خلاف ورزی پر 23 ملزمان کو گرفتار کر لیا۔پولیس ترجمان کے مطابق سی پی او سید خالد ہمدانی کی ہدایت پر راولپنڈی پولیس نے مختلف علاقوں میں سرچ آپریشن کیا اور مختلف علاقوں میں گھروں، کرایہ داروں کے کرایہ داری اور شہریوں کے کوائف کو چیک کیا ،سرچ آپریشنز کے دوران راولپنڈی پولیس نے کرایہ داری ایکٹ کی خلاف ورزی کرنے والے 23 ملزمان کو گرفتار کرلیا، گرفتار ملزمان میں شہریار گل، جہانگیر، عثمان، شبیر،سمسون، دوست محمد،غلام جعفر، زبیر،روح اللہ، غنی،انضمام الحق، بشارت، مسعود احمد، آصف، اسدرحمان، عادل، نصیر،یعقوب،اعجاز، عمران، وصال، ذاکر اللہ، شجاع اللہ شامل ہیں۔سی پی او سید خالد ہمدانی کا کہنا تھا کہ سرچ آپریشنز کا مقصد جرائم پیشہ و قانون شکن عناصر پر کڑی نظر رکھنا اور انہیں قانون کے کٹہرے میں لانا ہے، راولپنڈی پولیس شہریوں کی جان و مال کی حفاظت اور امن و امان کے قیام کے لیے ہمہ وقت مصروف عمل ہے۔
Short Link: https://urdu.app.com.pk/urdu/?p=572697
