لاہور۔18مارچ (اے پی پی):وزیراعلی پنجاب مریم نواز کے ویژن کے تحت اپنی نوعیت کے پہلے اور منفرد آغوش پروگرام کاباقاعدہ آغاز کر دیا گیا ہے۔ وزیراعلی کی ہدایت پر دو سال سے کم عمربچوں کی ماں اور حاملہ خواتین کوآغوش پروگرام کے تحت 23ہزار روپے ملیں گے، پہلے مرحلے میں 13اضلاع آغوش پروگرام کے تحت نومولود بچوں کی ماں اور حاملہ خواتین کوامداد ی رقم ملے گی۔ آغوش پروگرام کا آغاز ڈیرہ غازی خان، تونسہ، راجن پور، لیہ، مظفر گڑھ،کوٹ ادو،بہاولپور، رحیم یارخان، بہالنگر، بھکر، میانوالی، خوشاب اور لودھراں سے کیا جارہا ہے۔ حاملہ خاتون کی پہلی دفعہ مراکز صحت/ مریم ہیلتھ کلینک میں رجسٹریشن پر2 ہزارروپے دیئے جائیں گے،حاملہ خاتون کوبچے کی پیدائش تک متواتر طبی معائنہ کیلئے وزٹ پر امدادی رقم دی جائے گی۔
مراکز صحت سے مفت طبی معائنہ کے بعد آغوش پروگرام کے کیش ایجنٹ سے امدادی رقم حاصل کی جا سکے گی۔ حاملہ خواتین کو ہر بارمراکز صحت وزٹ پر1500روپے ملیں گے جبکہ ٹوٹل 6ہزار روپے دیئے جائیں گے۔ آغوش پروگرام کے تحت مرکز صحت پر بچے کی پیدائش پر4ہزارروپے کاتحفہ ملے گا۔ پیدائش کے بعد 15دن کے اندر پہلے طبی معائنے پر2ہزار روپے ملیں گے۔ پیدائشی سرٹیفکیٹ کا مرکز صحت میں اندارج کروانے پر 5ہزار روپے دیئے جائیں گے۔ آغوش پروگرام کے تحت نومولود بچے کو حفاظتی ٹیکے لگوانے پر 4ہزار روپے ہر بار 2ہزارروپے دیئے جائیں گے۔ وزیراعلی کی ہدایت پر خواتین کی رہنمائی اور معلومات کیلئے خصوصی ٹال فری نمبر 1221بھی فعال کر دیا گیا ہے۔ان کا کہنا ہے کہ صحت اور علاج ہر ماں اور بچے کا بنیادی حق ہے حکومت اپنا فرض ادا کرے گی
ہسپتالوں میں ماں اور بچوں کو بیماری کی حالت میں دیکھنا انتہائی تکلیف دہ ہے،سرکاری وسائل پرپسماندہ اور دوردراز علاقوں کے عوام کا پورا پورا حق ہے۔انہوں نے کہا کہ ماں اور بچے کی صحت خصوصی توجہ کی متقاضی ہے، صحت مند ماں ہی صحت مندخاندان کی ضامن ہے،پسماندہ علاقوں میں طبی سہولیات کے ساتھ خواتین کی مالی معاونت بھی کررہے ہیں،آغوش پروگرام سے نہ صرف ماں بلکہ بچہ بھی صحت مند زندگی کا آغاز کرے گا۔
Short Link: https://urdu.app.com.pk/urdu/?p=573979
